Şimali Koreyada bəzi internet xidmətləri müvəqqəti qapanmadan sonra yenidən bərpa edilib.
ABŞ-ın kibertəhlükəsizlik firması olan “Dyn Research” bildirib ki, doqquz saata yaxın fasilədən sonra internet xidmətləri dekabrın 23-də bərpa olunub. Analitiklərin fikrincə, texniki problemlər və ya kiberhücum qisas məqsədilə edilə bilər.
Ötən həftə ABŞ Pxenyanı “Sony Pictures”ə qarşı kiberhücuma keçməkdə ittiham edirdi. İnternet məkanda bu qarşıdurmalar ABŞ-ın Təhlükəsizlik Şurasının Şimali Koreyada insan haqlarını müzakirə etməsindən sonraya təsadüf edir.