-
Fransanın Xarici İşlər və İnkişaf Nazirliyi araşdırmaçı jurnalist Xədicə İsmayılın həbsi ilə bağlı bəyanat verib.
Nazirlik bildirir ki, jurnalistin həbsindən narahatdır: «Fransa Respublikasının Prezidenti Azərbaycana may ayında səfəri zamanı Xədicə İsmayılova ilə görüşüb. Fransa Azərbaycanın hökumət orqanlarını Avropada Təhlükəsizlik və Əməkdaşlıq Təşkilatının və Avropa Şurasının qarşısında götürdüyü öhdəliklərə riayət etməyə, o cümlədən mətbuat azadlığına, ədliyyə sisteminin müstəqilliyinə, müdafiə hüquqlarına və təqsirsizlik prezumpsiyasına riayəti təmin etməyə çağırır».
Nazirlik bildirir ki, Xədicə İsmayılın situasiyasını diqqətlə izləyəcəklər.