Fransa prezidenti Francois Hollande dekabrın 5-də Qazaxıstana iki günlük səfərə gedəcək. Hollande Astanada prezident Nursultan Nazarbaev və digər rəsmilərlə görüşəcək.
Human Rights Watch (HRW) Hollande-nı rəsmilərlə görüşlərində insan haqları məsələsini qaldırmağa çağırıb.
Dekabrın 3-də yaydığı bəyanatda HRW Qazaxıstandan insan haqlarıyla bağlı “çoxsaylı narahatlıqları” dilə gətirib. Buraya işgəncəyə görə cəzasızlıq, hökumət tənqidçilərinin susdurulması, media, eləcə də ifadə azadlığına nəzarət daxildir.