Noyabrın 18-də Qüdsdə sinaqoqa balta və bıçaqla silahlanmış iki şəxs hücum edib. Onlar 4 dindarı qətlə yetirib, 6 nəfəri yaralayıb. Polis silahlılara atəş açaraq öldürüb.
Polisin sözçüsü hücumçuların Qüdsün şərqindən gələn fələstinlilər olduğunu bildirir.
Son həftələr İsrail və Fələstin ərazisində zorakılıq artıb. Ötən ay fələstinlilər 5 israillini və bir xarici turisti öldürüb.
Həmin hücumları həyata keçirənlər də daxil olmaqla, 10-dan çox fələstinli də həlak olub.