Bağdadda şiə zəvvarlarını hədəfə alan avtomobil bombası ən azı 12 adamı öldürüb.
Bu barədə Bağdad polisi xəbər verib.
Noyabrın 2-də onlarla adam Aşuranı qeyd etmək üçün Kərbəlanı ziyarətə gəlmişdi.
Polis partlayışda 20-dən çox adamın yaralandığını bildirir.
İraq Aşura mərasimlərində şiələrə qarşı ən çox hücum edildiyi ölkədir.
Bu hücumdan bir gün əvvəl də Bağdadda bir neçə bomba partlayışı olub, 20-yə yaxın adam ölüb.