-
Amerikalı milyarder, iş adamı Donald Trump-ın qızı İvanka Trump Bakıya gəlib.
Bu barədə İvanka öz Facebook səhifəsində məlumat verib. İvanka qaldığı hotelin pəncərəsindən Bakının mənzərəsini paylaşaraq "Bakıya gəlmişəm" deyir.
Onun Bakı səfərinin haqda detallı məlumat yoxdur.
"İnşaat kralı" kimi tanınan Donald Trump biznes fəaliyyətinə bina tikintisiylə başlayıb. Daha sonra hotel biznesinə keçib.
Milyarderin uşaqları onun yaratdığı şirkətlərdə- "The Trump Organization" və "Trump Entertainment Resorts"da çalışırlar.
Bakıda ailəyə məxsus "Trump Tower Baku" binası da inşa edilib.
Bina Nəqliyyat naziri Ziya Məmmədovun oğlu Anar Məmmədova aid Grant Holding (əvvəlki adı ZQAN) tikib.