Rusiya prezidenti Vladimir Putin ad günü işdə olmayacaq və həmin günü Sibir tayqasında keçirəcək. Putinin sözçüsü Dmitry Peskov bunu oktyabrın 6-da jurnalistlərə deyib.
Putinin ad günü oktyabrın 7-dir. Peskov deyib ki, Putin bu gün Sibirə, “sıx məskunlaşmış bir yerin 300-400 kilometrliyinə gedəcək”.
Putinin 62 yaşını Sibirin harasında keçirəcəyi açıqlanmır. Ancaq Peskov onu deyib ki, bu seçimin bir səbəbi oktyabrın 8-də Sibir rəsmiləri ilə planlaşdırılan görüşdür.
Rusiya prezidenti adətən ad günündə işləyir, Peskov onun bu dəfə “dincəlmək” qərarını izah etməyib.