Tacikistanın baş ruhanisi prezident Emomali Rahmon rejiminin tənqidçilərinə qarşı fətva verib. Baş müfti Saidmukarram Abdulkodirzoda sentyabrın 27-də jurnalistlərə deyib ki, “hakimiyyətin tənqidi böyük günah sayılacaq”.
“Tənqid hakimiyyətə inama kölgə salır,” o, söyləyib.
Abdulkodirzoda bu fətvanı cümə günü düşənbədəki əsas məsciddə ibadət zamanı verib. Tacikistanın müxalifət partiyası deyib ki, fətva “hakimiyyətin diktəsi ilə verilib”.
Tacikistanda hakimiyyət gənc müsəlmanların işsizlik şəraitində, özlərinin dediyi kimi “radikallaşmasından” narahatdır.
Son 3 ayda Suriyada müxalifət tərəfdən döyüşən 10 tacik öldürülüb.