BMT rəsmisi deyir ki, Ukrayna münaqişəsində 3 mindən çox adam həyatını itirib. Baş Katibin İnsan Haqları üzrə Köməkçisi Ivan Simonovic sentyabrın 23-də BMT İnsan Haqları Şurasında deyib ki, sentyabrın 21-nə qeydə alınmış ölü sayı 3,543-dür.
Simonovic real rəqəmin “daha çox” ola biləcəyini vurğulayıb. İyulda qəzaya uğramış Malayziya təyyarəsində ölən 298 nəfər nəzərə alınmasa, rəsmi rəqəm 3,245-dir.
Ukraynanın şərqində hökumət qüvvələri ilə rusiyayönlü separatçılarla döyüşlərin beş aylıq statistikası 2.600 nəfərin öldüyünü göstərirdi.