200 yaşlı "Çuxur Hamam"-ı 20 ildir çuxura düşüb.

Sentyabr 18, 2014

Qubanın mərkəzində yerləşən bu tarixi abidə - hamam el arasında "Çuxur hamam", "Gümbəzli hamam", "Bəkir hamamı", "Məşədi Əlimərdan hamamı" adları ilə tanınır.

Üzərində dövlət tərəfindən qorunduğu qeyd olunsa da hamamın halı ürək ağrıdır.

Hamamın divarında Hicri-Qəməri tarixi olaraq 1235-ci il qeyd olunub. Həmin tarix isə indini 1435 olaraq göstərir. Divarında həkk olmuş tarixə inansaq hamamın bu il 200 ili tamam olur.

Hamam Quba şəhərinin mərkəzində Musəbəyov küçəsi ilə Ərdəbil küçəsinin kəsişməsində yerləşir və son on illiklərə qədər şəhər əhalisinin sıx istifadə etdiyi məkan olub.

Hamam 1985-ci ilə kimi təyinatına uyğun istifadə olunub. Kanalizasiya xətti tutulduğundan buranın fəaliyyətini dayandırmaq qərarına gəliblər.

1986-1987-ci illərdə hamamda təmir bərpa işləri aparılıb, amma bu sadəcə kosmetik xarakterli olub.

Bu abidə Mədəniyyət və Turizm Nazirliyi tərəfindən tarixi abidə kimi qorunur. Hətta ətrafına vaxtilə UNESCO tərəfindən məhəccərlər də inşa edilib. Amma nə fayda?

Hamamın bu günü sadəcə belədir.