Rusiya deyir ki, Berlində Ukrayna böhranına dair dörd tərəfli danışıqlarda «müəyyən irəliləyiş» əldə olunub. Xarici İşlər Nazirliyinin avqustun 18-də yaydığı bəyanatda belə deyilir. Berlində Rusiya, Ukrayna, Almaniya və Fransa xarici işlər nazirləri arasında dörd saatlıq görüş keçirilib.
Bəyanata görə, böhranın yüngülləşdirilməsi üçün təkliflərin ortaya çıxacağı gələcək danışıqlar barədə razılıq əldə olunub.
Öncə Almaniyanın xarici işlər naziri Frank-Walter Steinmeier də danışıqlarda «müəyyən irəliləyişin» olması barədə məlumat yayıb.