-
Reportyorların Azadlığı və Təhlükəsizliyi İnstitutunun (RATİ) ofisi möhürlənib. Bu haqda AzadlıqRadiosuna institutun hüquqşünası Günay İsmayılova məlumat verib:
«Bir az öncə prokurorluğun müstəntiqi və sahə müvəkkili birlikdə ofisə gəldilər. Bizi ofisdən çıxarıb qapını möhürlədilər. İkinci ofisin də qapısını möhürlədilər. Dedilər ki, istintaq bitəndən sonra möhürü açacaqlar».
Avqustun 8-də polis və mülkigeyimlilər RATİ-nin eyni ünvanda olan hər iki ofisində axtarış aparıb. Ofisdəki kompüter və sənədlər götürülüb.
RATİ-nin rəhbəri Emin Hüseynov və onun qardaşı Mehman Hüseynovun harada olduğu bəlli deyil.
Sosial şəbəkələrdə onların həbs olunması ilə bağlı yayılan məlumatlar hələ ki rəsmi təsdiqini tapmır.