-
İyunun 26-da səhər tezdən Ukraynanın şərqində atışma barədə məlumatlar gəlir.
İTAR-TASS xəbər verir ki, atəş və partlayış səsləri Kramatorsk aeroportunda və Slavyansk şəhərində eşidilib. Detallar bəlli deyil.
Ukrayna prezidenti Petro Poroshenko iyunun 25-də bildirib ki, iyunun 20-də birtərəfli atəşkəs elan olunsa da, separatçılar «ciddi pozuntulara» yol verib. Poroshenko 52 pozuntunun qeydə alındığını söyləyib. İyunun 24-də Ukrayna vertolyotunun vurulması nəticəsində 9 nəfər həlak olub.
Qərb dövlətləri iyunun 25-də Rusiyaya xəbərdarlıq edib ki, Ukraynanın şərqində gərginliyin sakitləşməsi üçün heç nə etməsə, təzə, daha sərt sanksiyalarla üzləşə bilər.
ABŞ Dövlət Departamenti bildirib ki, Rusiya sərhədini qorumalı, yaraqlılar və silahın Ukrayna ərazisinə keçməsinin qarşısını almalı, separatçıları silahı yerə qoymağa çağırmalıdır.