İyunun 22-də ABŞ dövlət katibi John Kerry gözlənilmədən Misirə gedib. O, yeni prezident Abdel Fattah as-Sisi ilə danışıqlar aparacaq.
Bu səfər as-Sisi prezident seçiləndən sonra Qahirə ilə Vaşinqton arasında ən yüksək səviyyəli görüşdür.
ABŞ Dövlət Departamentinin məlumatına görə, danışıqlarda Misirdəki siyasi vəziyyət, İraq və Suriyadakı münaqişələr müzakirə olunacaq.
Vaşinqton rəsmiləri ABŞ-ın Misirə 570 milyon dollar məbləğində maliyyə yardımı göstərəcəklərini də bildiriblər.