Vəkil Fariz Namazlı Bakı İstintaq Təcridxanasında Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli və qurumun icraçı direktoru Bəşir Süleymanlı ilə görüşüb.
Vəkil Fariz Namazlı
Vəkil deyib ki, onlar saxlanma şəraitindən şikayət etməyiblər. Ancaq haqlarında çıxarılmış hökmlə razı deyillər.Vəkillər hökmü alandan sonra apellyasiya şikayəti hazırlayacaqlar. Bəşir Süleymanlıya yaxınları ilə şüşə arakəsmə vasitəsilə görüş veriblər.
Mayın 26-da Bakı Ağır Cinayətlər Məhkəməsi Anar Məmmədlini 5,5, Bəşir Süleymanlını 3,5 il müddətinə azadlıqdan məhrum edib, Könüllülərin Beynəlxalq Əməkdaşlığı İctimai Birliyinin rəhbəri Elnur Məmmədov isə şərti olaraq 3,5 il cəza alıb. Onlar vergi ödənişindən yayınmaq, vəzifə səlahiyyətlərindən sui-istifadə və vəzifə saxtakarlığında təqsirli biliniblər.
Müdafiə tərəfi onları onların 2013-cü il prezident seçkilərində keçirdikləri monitorinq, seçki kampaniyası və səsvermə zamanı aşkar edilmiş pozuntuların elan edilməsinə görə mühakimə olunduğu qənaətindədir.