Azərbaycan Pakistanda baş verən zəlzələ ilə bağlı bu ölkəyə yardım təklif edib. Bu barədə Fövqəladə Hallar Nazirliyi məlumat yayıb.
Məlumatda qeyd olunur ki, yardım təklifini sentyabrın 26-da Pakistanın Azərbaycandakı səfiri ilə görüşdə nazir Kəmaləddin Heydərov irəli sürüb.
Nazir zəlzələdən zərər çəkmiş bölgələrdə axtarış-xilasetmə işlərinin aparılması və digər yardımların göstərilməsini təklif edib.
Sentyabrın 22-də Pakistanın Bəlucistan bölgəsində 7.7 bal gücündə zəlzələ olub. Məlumatlara görə, təbii fəlakət nəticəsində ölənlərin sayı 300-ü keçib.