"Qanun" və "Əli&Nino" nəşriyyatları "Klassiklər" seriyasından daha bir kitab çap etdilər - XX əsr alman ədəbiyyatının ən görkəmli nümayəndələrindən biri, Nobel mükafatı laureatı Herman Hesse nin "Yalquzaq" romanını.
“Yalquzaq”ın baş qəhramanı Harri Hallen yurdsuz-yuvasızdır. İnsanlardan tamamilə ayrı düşüb. Cəmiyyətlə onun arasında böyük uçurum var.
Hesse bu əsəri belə izah edir: “Əlbəttə, mənim bu hekayətimi necə başa düşməyi əvvəlcədən oxucunun boynuna qoya bilmərəm və heç istəmirəm də. Qoy kim necə istəyir, elə də başa düşsün, nə lazımdırsa, onu da götürsün. Ancaq kaş onların çoxu görəydi ki, Yalquzağın hekayəti xəstəlikdən, böhrandan danışsa da, insanı ölümə, fəlakətə deyil, sağlamlığa, dirçəlişə doğru səsləyir”.
Almancadan tərcümə: Vilayət Hacıyev