Qazaxıstanın velosiped idmanı üzrə Olimpiya çempionu Aleksandr Vinokurov-a qarşı qələbəni rüşvətlə almaq ittihamı ilə cinayət işi açılıb. İtaliyada keçən həftə prokurorların qaldırdıqları cinayət işi noyabrın 5-də Beynəlxalq Velosiped İttifaqına göndərilib.
İttihama görə Vinokurov 2010-cu ildə Belçikada keçirilən yarışda qələbəsini təmin etmək üçün rəqibinə rüşvət verib, onu qəsdən uduzmağa razılaşdırıb. Həmin yarışda onun əsas rəqibi isə Rusiyada olan velosipedçi Aleksandr Kolobnev olub.
Vinokurov Qazaxıstanın ən öndə gedən idman ulduzlarından biri sayılır. Bu ilin iyulunda Londonda keçirilən olimpiadada qızıl medal da qazanandan sonra idmandan getdiyini bəyan edib.
2010-cu ildəki qələbəsini rüşvətlə almasına dair ittihamlar barədə isə hələlik Vinokurov-un özünün bir cavabı səslənməyib.