Bakıda səfərdə olan İran prezidenti Mahmud Ahmadinejad (Mahmud Əhmədinejad) oktyabrın 15-də Azərbaycan prezidenti İlham Əliyevlə görüşüb. Azərbaycan prezidentinin rəsmi saytında yayılan xəbərə görə prezidentlər ölkələri arasında “ikitərəfli münasibətlərin siyasi, iqtisadi, mədəni sahələrdə inkişafından məmnunluqlarını ifadə edib, əlaqələrin iqtisadi, ticarət, o cümlədən, enerji, nəqliyyat və digər sahələrdə genişləndirilməsi üçün yaxşı potensialın olduğunu vurğulayıblar.”
İranın prezidenti İqtisadi Əməkdaşlıq Təşkilatının Bakıda keçirilən 12-ci Zirvə toplantısında iştirak edəcək. Toplantı oktyabrın 15-i və 16-dadır.