«Müsəlman ölkələri xaricdəki amerikalıları qorumalıdır». Bu bəyanatla ABŞ prezidenti Barack Obama çıxış edib.
Son günlər ABŞ-ın bəzi ölkələrdəki diplomatik nümayəndəliklərinə hücumlar olub. Liviyanın Benqazi şəhərində ABŞ konsulluğuna hücum nəticəsində səfir və daha üç amerikalı öldürülüb.
ABŞ rəsmiləri bu zorakılığın səbəbini internetdə yayılmış anti-İslam videosunda – «Müsəlmanların məsumluğu» adlı filmdə görürlər.
Obama həmin videonu «təhqiramiz» adlandırıb, ancaq deyib ki, bu, zorakılığa haqq qazandırmır. Onun sözlərinə görə, videonun arxasında «şübhəli şəxs» durur.
O, zorakılığa baxmayaraq Liviyadakı vəziyyətin ümidsiz olmadığını, bəzən maneəli və təhlükəli olacağını deyib.
Səudiyyə Ərəbistanı bu videoya çıxışın qarşısını almaq üçün YouTube sosial şəbəkəsini bağlayıb. Krallıq Google-dan xahiş edib ki, videonun olduğu bütün linkləri bağlasın.
Birləşmiş Ştatlarda hazırlanmış video Məhəmməd Peyğəmbəri məsxərəyə qoyur.
Google Liviya və Misirdə, eləcə də İndoneziya və Hindistanda həmin videoya çıxışı bağlayıb.
Son günlər ABŞ-ın bəzi ölkələrdəki diplomatik nümayəndəliklərinə hücumlar olub. Liviyanın Benqazi şəhərində ABŞ konsulluğuna hücum nəticəsində səfir və daha üç amerikalı öldürülüb.
ABŞ rəsmiləri bu zorakılığın səbəbini internetdə yayılmış anti-İslam videosunda – «Müsəlmanların məsumluğu» adlı filmdə görürlər.
Obama həmin videonu «təhqiramiz» adlandırıb, ancaq deyib ki, bu, zorakılığa haqq qazandırmır. Onun sözlərinə görə, videonun arxasında «şübhəli şəxs» durur.
O, zorakılığa baxmayaraq Liviyadakı vəziyyətin ümidsiz olmadığını, bəzən maneəli və təhlükəli olacağını deyib.
Səudiyyə Ərəbistanı bu videoya çıxışın qarşısını almaq üçün YouTube sosial şəbəkəsini bağlayıb. Krallıq Google-dan xahiş edib ki, videonun olduğu bütün linkləri bağlasın.
Birləşmiş Ştatlarda hazırlanmış video Məhəmməd Peyğəmbəri məsxərəyə qoyur.
Google Liviya və Misirdə, eləcə də İndoneziya və Hindistanda həmin videoya çıxışı bağlayıb.