İran rəsmisi deyir ki, atom sualtı qayığı üzərində iş gedir

İranın hərbi-dəniz rəsmisi deyib ki, İran öz atom sualtı qayığını düzəltməkdə ilkin mərhələdədir.

Bunu bildirən admiral Abbas Zamini donanmada texnologiyalar üzrə komandan müavinidir.

O deyir ki, İranın uzaq məsafələrdə əməliyyat apara bilən qayığa ehtiyacı var.
Dünyada yalnız ABŞ, Rusiya, Çin, Fransa və Britaniyanın atom sualtı qayıqları var.