arxa oturacaqda sən
noyabr bir az sən demək idi yağışlı səkilərdə
almas ildırım şeirində tanış olmuş iki sətir
addım izlərinin yoxa çıxardığı başqa addım izləri
və… şikəst uşaqlarını gəzməyə çıxarmış əqrəb bürcü
payız fəslinə bənzəyirdi köhnə şəkillərdə
gözləri şişmiş, saçları kirli
narlar intihar edirdi barmaqlarımda
qırmızısında dodaqlarıvın gizləndiyi narlar
diksindiyim səslər gecənin qarasına bərabər idi
hələ ağardılmamışdı gövdələri,
quşlar qovulmamışdı budaqlarından
bir azdan
dənizdən bütün balıqları oğurlamış fırtına
bəraət alacaqdı başqalarının yuxusunda
mən gözlərimi səndə unutmuşdum
ovuclarıvın ülgüc itiliydə
qarğıdalı sahələrində sağa-sola qaçan uşaqlar
səmanın günəbaxan zəmilərinə tələsirdilər
döşlərindən keçmiş axan qadınlar
qadınlar əllərində unudulmuş kişi nəfəslərindən qamçılar
bizi qamçılayırdılar
sürücülük vəsiqəm ölüm qorxusu idi
paslanmış avtobusu dənizə sürürdüm
arxa oturacaqda sən – dünyadan böyük idin.
noyabr bir az sən demək idi yağışlı səkilərdə
almas ildırım şeirində tanış olmuş iki sətir
addım izlərinin yoxa çıxardığı başqa addım izləri
və… şikəst uşaqlarını gəzməyə çıxarmış əqrəb bürcü
payız fəslinə bənzəyirdi köhnə şəkillərdə
gözləri şişmiş, saçları kirli
narlar intihar edirdi barmaqlarımda
qırmızısında dodaqlarıvın gizləndiyi narlar
diksindiyim səslər gecənin qarasına bərabər idi
hələ ağardılmamışdı gövdələri,
quşlar qovulmamışdı budaqlarından
bir azdan
dənizdən bütün balıqları oğurlamış fırtına
bəraət alacaqdı başqalarının yuxusunda
mən gözlərimi səndə unutmuşdum
ovuclarıvın ülgüc itiliydə
qarğıdalı sahələrində sağa-sola qaçan uşaqlar
səmanın günəbaxan zəmilərinə tələsirdilər
döşlərindən keçmiş axan qadınlar
qadınlar əllərində unudulmuş kişi nəfəslərindən qamçılar
bizi qamçılayırdılar
sürücülük vəsiqəm ölüm qorxusu idi
paslanmış avtobusu dənizə sürürdüm
arxa oturacaqda sən – dünyadan böyük idin.