Bu gün Azərbaycan Yazıçılar Birliyinin “Natəvan” klubunda rus dilində nəşr olunmuş “Cənubi Qafqaz” almanaxının təqdimatı keçirilib. APA-nın məlumatına görə, almanaxın Azərbaycan təmsilçisi və redaktoru, “Ulduz” jurnalının baş redaktoru Elçin Hüseynbəylidir.
E. Hüseynbəyli Cənubi Qafqazda beş millətin ədəbiyyatını (Azərbaycan, gürcü, erməni, osetin, abxaz) birləşdirən almanaxın ildə iki dəfə rus dilində nəşr olunacağını bildirib.
Bu ilin sonuna kimi almanaxın ikinci sayı çapdan çıxacaq. Nəşr 250 səhifədən ibarətdir. İlk almanaxa hər millətdən beş müəllifin əsərləri daxildir.
Almanaxda azərbaycanlı müəlliflərdən Səlim Babullaoğlu, Elxan Zal Qaraxanlı, Rafiq Tağı, Məqsəd Nur və Elçin Hüseynbəylinin əsərləri yer alıb. Almanaxın nəşri Avropa Birliyinin “Güney Qafqazda dialoq və psixoloji sədlərin keçirilməsi” layihəsi çərçivəsində həyata keçirilib, təşkilatçı isə İngiltərənin “İnternational Alyort” qeyri-hökumət təşkilatıdır.
Layihə “Ədəbiyyat millətləri ayırmır, barışdırır” prinsipinə və xalq diplomatiyasına əsaslanır.
APA
E. Hüseynbəyli Cənubi Qafqazda beş millətin ədəbiyyatını (Azərbaycan, gürcü, erməni, osetin, abxaz) birləşdirən almanaxın ildə iki dəfə rus dilində nəşr olunacağını bildirib.
Bu ilin sonuna kimi almanaxın ikinci sayı çapdan çıxacaq. Nəşr 250 səhifədən ibarətdir. İlk almanaxa hər millətdən beş müəllifin əsərləri daxildir.
Almanaxda azərbaycanlı müəlliflərdən Səlim Babullaoğlu, Elxan Zal Qaraxanlı, Rafiq Tağı, Məqsəd Nur və Elçin Hüseynbəylinin əsərləri yer alıb. Almanaxın nəşri Avropa Birliyinin “Güney Qafqazda dialoq və psixoloji sədlərin keçirilməsi” layihəsi çərçivəsində həyata keçirilib, təşkilatçı isə İngiltərənin “İnternational Alyort” qeyri-hökumət təşkilatıdır.
Layihə “Ədəbiyyat millətləri ayırmır, barışdırır” prinsipinə və xalq diplomatiyasına əsaslanır.
APA