Fransa prezidenti Nicolas Sarkozy oktyabrın 7-də Tbilisidə səfərdə olarkən Gürcüstanın ərazi bütövlüyünü müdafiə etdiyini bir daha səsləndirib.
2008-ci ildə Gürcüstanla Rusiya arasında beş günlük müharibədən sonra Moskva Gürcüstanın iki sepratçı bölgəsini – Abxaziya və Cənubi Osetiyanı müstəqil dövlət kimi tanıyıb. Həmin müharibə zamanı da sülh razılaşması Sarkozy-nin vasitəçiliyi ilə imzalanmışdı.
Oktyabrın 7-də Tbilisidə Azadlıq Meydanında toplaşan əhali qarşısında çıxışında Sarkozy deyib: “Fransa Rusiyanı özünün dostu və strateji tərəfdaşı hesab edir.Amma etibarı zədələmək, qorxutma, təhdidlər, qeyri-sabitlik yaratmaq cəhdləri də qətiyyən yolverilməzdir.”
Fransa prezidenti həmçinin Rusiyanı 2008-ci ildə imzalanmış atəşkəs razılaşmasına əməl etməyə çağırıb.
Tbilisi Moskvanı ittiham edir ki, atəşkəs razılaşmasına uyğun olaraq qoşunlarını münaqişədən əvvəlki mövqelərinə qaytarmır. əvvəlki mövqelərinə qaytarmır.