Quşlar Qız Qalasında aparılan bərpa işlərini dayandırıb
Qız Qalası
Qız Qalasında aparılan bərpa və muzey konservasiyası işləri iyulun sonuna kimi dayandırılıb.
Bu barədə «İçərişəhər» Dövlət Tarix-Memarlıq Qoruğu İdarəsinin rəis köməkçisi Elnur Əliyev bildirib.
Buna səbəb Qız Qalasının işlərin aparıldığı hissəsində 1500-ə yaxın quşun yuva salmasıdır:
«1500-ə yaxın quş Qız Qalasının dəmirlərlə hörülən hissəsində yuva salıb. Biz isə onları narahat etmək istəmədik. Qərar verdik ki, hazırda quşların bala çıxarma mövsümüdür, iyulun sonuna kimi işləri dayandıraq». /apa/
