Qorxulu bir səhər olsa
Qorxulu bir səhər olsa,
Baxışından bezmərəm.
İslanmış kəlmələr olsa,
Yağışından bezmərəm.
Bir yanda efirin səsi,
Ya əzik qəzet cümləsi,
Qapımı döysün döyməsin,
Alqışından bezmərəm.
Parkda heykəl mələklənsə,
Oğrun-oğrun küləklənsə,
Qısqanclığın şimşəklənsə,
Çaxışından bezmərəm.
1999
Nəm asfalt rəngi gülüşlər
Gözü bağlı, dili bağlı
Bir gecə,
Göydə ay işığı,
Yerdə şıltaq əyləncə.
Addım-addım, kəlmə-kəlmə,
Yolumuza döşənir park,
Yerlə göyün arasında ikimizik,
Bir də Janna Dark...
Gümüş gülüş cingiltisi,
Rəqs eləyir, rəqs eləyir,
Yaz yağışı gülüşləri
Nəm asfalta nəqş eyləyir,
Reklamların işığında
manat-manat yanır bu yaz,
Bu dünyada gecə yoxdur,
Bundan bəyaz.
Dənə-dənə inciləri
Üstümüzə səpələyir
Yolumuza döşənmiş park.
Nə yaxşı ki, bizimlədir,
Bu gecə, Janna Dark.
1987
Alatoran
Qorxulu bir səhər olsa,
Baxışından bezmərəm.
İslanmış kəlmələr olsa,
Yağışından bezmərəm.
Bir yanda efirin səsi,
Ya əzik qəzet cümləsi,
Qapımı döysün döyməsin,
Alqışından bezmərəm.
Parkda heykəl mələklənsə,
Oğrun-oğrun küləklənsə,
Qısqanclığın şimşəklənsə,
Çaxışından bezmərəm.
1999
Nəm asfalt rəngi gülüşlər
Gözü bağlı, dili bağlı
Bir gecə,
Göydə ay işığı,
Yerdə şıltaq əyləncə.
Addım-addım, kəlmə-kəlmə,
Yolumuza döşənir park,
Yerlə göyün arasında ikimizik,
Bir də Janna Dark...
Gümüş gülüş cingiltisi,
Rəqs eləyir, rəqs eləyir,
Yaz yağışı gülüşləri
Nəm asfalta nəqş eyləyir,
Reklamların işığında
manat-manat yanır bu yaz,
Bu dünyada gecə yoxdur,
Bundan bəyaz.
Dənə-dənə inciləri
Üstümüzə səpələyir
Yolumuza döşənmiş park.
Nə yaxşı ki, bizimlədir,
Bu gecə, Janna Dark.
1987
Alatoran