BMT-nin təhlükəsizlik şurası Səddam Hüseyin rejimi vaxtı İraqa qarşı tətbiq edilmiş sanksiyaları aradan qaldırıb.
Birləşmiş Ştatların Vitse-prezidenti Co Bayden indi İraqın region ölkələrinə reinteqrasiya etdiyini deyib.
Beləliklə 1990-cı ildə İraqa silah satışına qoyulmuş qadağa aradan qaldırılıb,
neft əvəzində ərzaq proqramı və İraqın inkişafı ilə bağlı xüsusi beynəlxalq fond ləğv edilib və İraq hakimiyyətinin bütün səlahiyyətləri bərpa olunub.
Bundan başqa İraqın dinc məqsədli nüvə texnologiyasını inkişaf etdirməsinə icazə verilib.