Rusiyanın terrorda ittiham etdiyi çeçen separatçılarının lideri Əhməd Zakayev Polşada həbs olunub.
Polis bildirib ki, İnterpol tərəfindən axtarılan Zakayev bu səhər beynəlxalq aeroportda tutulub və prokurorluq tərəfindən sorğu-sual edilib.
Çeçen yaraqlılarının lideri Varşavaya sürgündə olan çeçenlərin konqresində iştirak etmək üçün gəlibmiş.
Rusiya hökuməti Əhməd Zakayevi 90-cı illərdə Çeçen-Rusiya müharibəsi zamanı bir sıra cinayətlərdə günahlandırır. Zakayev 2003-cü ildə siyasi sığınacaq alaraq Britaniyada yaşayırdı.
