Sentyabrın 5-də Moldovada Konstitusiyaya dəyişikliklə bağlı keçirilən referendum baş tutmamış sayıla bilər.
Mərkəzi Seçki Komissiyasının ilkin məlumatlarına görə, referendumda seçicilərin 29,7%-i iştirak edib. Referendumun baş tutması üçün səsvermədə seçicilərin azı 33%-nin iştirakı tələb olunur.
MSK referendumu baş tutmamış elan etsə, səslər sayılmayacaq.
Qanunvericiliyə görə, Moldovada prezidenti parlament seçir. Konstitusiyaya təklif olunan dəyişiklikdə prezidentin xalq tərəfindən seçilməsi nəzərdə tutulurdu.