Əfqanıstanda intiharçının Kabilin ən böyük alış-veriş mərkəzinin girişində özünü partlatması nəticəsində ölənlərin sayı 14-ə, yaralıların sayı isə 30-a çatıb.
Kabil polisinin rəisi Səid Səidzadə bildirib ki, həlak olanlar arasında əcnəbilər də var.
Partlayışa görə məsuliyyəti talibançılar üzərlərinə götürüblər.
Bu, yanvarın 18-dən bu yana paytaxt Kabildə həyata keçirilən ilk terror aktıdır. Yanvarın 18-dəki partlayışlarda intiharçılar hökumət binalarını hədəf almışdılar.