Bakıda daş karxanasında fəhlə işləyən iki nəfər donub ölüb.
Bu barədə Lent.az-a Qaradağ rayon prokurorluğundan məlumat verilib. Məlumatda bildirilib ki, fevralın 7-də rayonun Çənlibel daş karxanaları adlanan düzənlikdə Balakən rayonunun Qaysa kənd sakinləri, 1970-ci il təvəllüdlü Hudunov Şəhmirin və 1974-cü il təvəllüdlü Əhmədilov Hüseynin donmuş vəziyyətdə cəsədi tapılıb.
Onların fevralın 4-də karxanadan evə qayıdarkən çovğuna düşüb donduğu bildirilib.
Faktla bağlı araşdırma aparılır.