İran prokuroru müxalifətə: “Mərhəmət gözləməyin!”

İran hökuməti müxalifətə xəbərdarlıq edib ki, etiraz aksiyalarını davam etdirsələr, heç kimə mərhəmət göstərməyəcəklər.

İranda müxalifət hakimiyyət əleyhinə aksiyaları bu bazar günündən başlayıb. Çərşənbə axşamı Tehran Universitetində hakimiyyət və müxalifət lideri Mirhüseyn Musəvi tərəfdarları arasında toqquşma olub.

Ümumiyyətlə, toqquşmalarda 200-dən çox adamı saxlayıblar, onlardan 86 nəfəri sonrada buraxıblar.

İranın rəsmi xəbər agentliyi prokuror Qulamhüseyn Mohseni Ejedən sitat gətirir ki, hakimiyyət milli təhlükəsizlik naminə heç kimə mərhəmət göstərməyəcək.