Azərbaycan parlamentinin Avropa Şurası Parlament Assambleyasındakı (AŞ PA) nümayəndə heyəti qurumun növbəti sessiyasında tam heyətlə iştirak edəcək. Nümayəndə heyətində boş qalan iki yeri kimin tutacağı artıq məlumdur. Həmin millət vəkilləri - Vətəndaş Həmrəyli Partiyasından Fəzail İbrahimli və Vətəndaş Birliyi Partiyasından Sabir Hacıyevdir.
Fəzail İbrahimlinin «Azadlıq» radiosuna verdiyi məlumata görə, nümayəndə heyəti iyunun 24-də Strasburqa yola düşür.
AŞ PA-nın yay sessiyası iyunun 26-dan-30-dək keçiriləcək. Sessiyanın gündəliyinə Azərbaycanla bağlı məsələ də salınıb, bu ölkənin Avropa Şurası qarşısında öhdəliklərini necə yerinə yetirməsinə dair hesabat dinlənəcək.