NATO-nun baş katibi Yap de Hoop Sxeffer Rusiyadan öz qoşunlarını və silahlarını Moldovadan çıxarmağı tələb edib. O, bildirib ki, 1999-cu ildə ATƏT-in İstanbul sammitində Rusiya Moldovanın separatçı regionu olan Dnestrayanıdan öz qoşunlarını çıxarmaq öhdəliyi götürüb.
1990-cı illərdə Moldova ilə qanlı döyüşlərdən sonra Rusiya bu regionda 1500 nəfərlik hərbi qüvvə və hələlik məlum olmayan miqdarda silah yerləşdirib.
Amerika və Avropa Birliyinin çağırışlarına baxmayaraq Rusiya hələlik əsgərləri və silahlarını bölgədən geri çəkmək barədə öhdəliyini yerinə yetirmir.