Keçid linkləri

Təcili xəbərlər
2020, 05 Aprel, bazar, Bakı vaxtı 11:06

Çexiya prezidenti Putinin dəvətindən imtina edə bilər


Kollaj: Milos Zeman (solda) və Vladimir Putin

Çexiya prezidenti Milos Zeman II Dünya Müharibəsində qələbənin Moskvada keçiriləcək 75 illiyi bayramında iştirak üçün aldığı dəvətdən imtina etmək məsələsini götür-qoy edir.

Zeman Rusiya Xarici İşlər Nazirliyinin 21 avqustun Çexiya tarixində mühüm gün olmasına münasibətindən məyus olub.

Məhz 21 avqust 1968-ci ildə sovet qoşunları Varşava Müqaviləsi üzrə müttəfiqləri ilə birlikdə Çexoslovakiyaya müdaxilə edib.

Zeman Çexiya mediasına müsahibəsində deyib:

"Mən bu yaxınlarda prezident Putindən Moskvaya, İkinci Dünya Müharibəsində qələbənin 75 illiyi mərasiminə dəvət almışam. Amma indi düşünürəm: ora getməyə, ümumiyyətlə dəyərmi? Ya da ora gedib, tarixin bu səhifəsini birdəfəlik çevirməyi təklif edə bilərəm”.

Zeman avqustun 21-ni sovet qoşunlarının Çexiyaya müdaxiləsinin qurbanlarının anım günü kimi təsbit edən qanun layihəsini dekabrın ortalarında imzalayıb.

Rusiya Xarici İşlər Nazirliyi qanunun qəbul edilməsini “böyük məyusluq” adlandırıb.

XS
SM
MD
LG