Ermənistan prezidenti Serzh Sarkisian martın 10-da Ermənistanın Rusiyadakı səfiri Oleg Yesayan-ı işdən azad edib.
Prezident başqa bir fərmanla bu vəzifəyə Vardan Toganyanı təyin edib.
Bu barədə martın 10-da AzadlıqRadiosunun Ermənistan xidməti məlumat yayıb.
Mənbənin yazdığına görə, rusiyalı jurnalist Vladimir Solavyov bu günlərdə Yerevanda deyib ki,ermənistanlı səfir Oleq Yesayan ötən ilin aprelində Dağlıq Qarabağda gedən döyüşlər zamanı heç nə etməyib, Azərbaycanın Rusiyadakı səfiri Polad Bülbüloğlu isə həmin dövrdə çox fəal işləyib.
Yesayan isə Tert,am saytına şərhində 1 il ərzində Solavyovun ona qarşı yönəlmiş “monoloquna” məhəl qoymadığını deyib və jurnalisti açıq-aydın yalan danışmaqda günahlandırıb.
“Vestnik Kavkaza” saytı isə bu aradaTert.am-a istinadla yazır ki, yeni səfir Vardan Toganyanın adı ofşor hesablar və şirkətlərlə bağlı “Panama sənədləri”ndə hallanır.
Həmçinin Ermənistanın kütləvi informasiya vasitələri yazır ki,Toganyan 2014-cü ildə almaz istehsalı ilə məşğul olan “Şoqakn” şirkətinin səhmdarı olub.