Prezident Administrasiyasının ictimai-siyasi məsələlər şöbəsində yeni sektorun yaradıldığı bildirilir.
AZƏRTAC-ın məlumatına görə, prezident İlham Əliyev bununla bağlı sərəncam verib.
Sərəncama əsasən, ictimai-siyasi məsələlər şöbəsində yeni yaradılan ictimai-siyasi işin təşkili sektoruna Vüsal Quliyev rəhbərlik edəcək.
Vüsal Quliyevin indiyədək ictimai-siyasi məsələlər şöbəsinin gənclər təşkilatları ilə iş sektorunun müdiri vəzifəsində çalışdığı bildirilir.
Mərkəzi və yerli icra hakimiyyəti orqanlarında ictimai-siyasi işin təşkili ilə bağlı məsələlərin əlaqələndirilməsi yeni sektorun əsas fəaliyyət istiqaməti olmalıdır.