Keçid linkləri

2024, 16 İyul, çərşənbə axşamı, Bakı vaxtı 17:48

General Surovikin Xerson vilayətində evakuasiyaya hazırlaşır


Rusiya Müdafiə Nazirliyi oktyabrın 8-də general Sergey Surovikini Ukraynadakı Rusiya qüvvələrinin baş komandanı elan edib
Rusiya Müdafiə Nazirliyi oktyabrın 8-də general Sergey Surovikini Ukraynadakı Rusiya qüvvələrinin baş komandanı elan edib

Ukraynadakı Rusiya qüvvələrinin yeni komandanı Rusiya ordusunun çətinliklərlə üzləşdiyini etiraf edib

Ukraynadakı Rusiya qüvvələrinin yeni komandanı Rusiya ordusunun çətinliklərlə üzləşdiyini etiraf edib.

General Sergey Surovikin oktyabrın 18-də Rossia-24 dövlət telekanalına müsahibəsində deyib:

"Xüsusi hərbi əməliyyat zonasındakı vəziyyət gərgin sözü ilə səciyyələndirilə bilər. Düşmən davamlı olaraq Rusiya qoşunlarının mövqelərinə hücum cəhdləri göstərir. Bu ilk növbədə Kupyansk, Liman, Nikolayev-Krivoy Roq sektorlarına aiddir”.

Surovikin bunu da deyib ki, Rusiya Ukraynanın cənubundakı Xerson vilayətində mülkilərin təxliyəsinə hazırlaşır.

Xerson vilayəti Rusiyanın Ukraynadan üç həftə əvvəl ilhaq etdiyi dörd regiondan biridir.

Çətin qərarları istisna etmədən

Rusiya komandanı bu barədə deyib:

"Rusiya ordusu ilk növbədə əhalinin Xersondan salamat evakuasiya olunmasını təmin etməlidir. Bizim Xerson şəhərinin özü ilə bağlı növbəti plan və hərəkətlərimiz yaranmaqda olan hərbi-taktiki vəziyyətdən asılı olacaq. Amma təkrar edirəm ki, artıq bugün vəziyyət çox gərgindir. Biz şüurlu şəkildə, çətin qərarları istisna etmədən hərəkət edəcəyik”.

Hərbi təlim keçirən İran deyir ki, sərhəddə hansısa dəyişikliyə biganə qalmayacaq
Gözlə

No media source currently available

0:00 0:05:13 0:00

Xerson vilayətinə Moksva tərəfindən təyin edilmiş başçı Vladimir Saldo isə deyib ki, söhbət mülkilərin “tədricən və mütəşəkkil” qaydada Dnepr çayının sol sahilinə keçirilməsindən gedir.

Saldo videomüraciətində heç bir dəlil-sübut göstərmədən Ukrayna qüvvələrini Novo-Kaxovka su-elektrik stansiyasının əsas bəndini dağıtmaq niyyətində ittiham edib.

O deyib ki, Ukrayna tərəfi genişmiqyaslı hücum üçün böyük qüvvələr cəmləşdirir.

Rusiya Müdafiə Nazirliyi oktyabrın 8-də Surovikini Ukraynadakı Rusiya qüvvələrinin baş komandanı elan edib.

Bu, Rusiyanın Ukraynaya müdaxiləsi başlanandan bəri Ukrayna qüvvələrinə ilk vahid komandanın təyin edilməsi olub.

XS
SM
MD
LG