Televizya aparıcısı Murad Dadaşov Xəzər TV MMC-nin Baş Direktoru təyin edilib.
Bu barədə Turana adıçəkilən MMC-dən məlumat verilib.
Məlumatda deyilir ki, Xəzər TV-nin səhmləri "Socar Media" qrupunun nəzarətinə keçib. Media qrup da Murad Dadaşovu televiziyanın rəhbəri təyin edib. Xəbəri Turana "Socar Media" qrupundan da təsdiqləyiblər.
Bir qədər əvvələ kimi Xəzər TV-nin rəhbəri prezidentin ictimai-siyasi məsələlər üzrə keçmiş köməkçisi Əli Həsənovun oğlu Şamxal Həsənli idi. Atası ötən ilin dekabrında işdən çıxarılandan az sonra o da vəzifəsindən kənarlaşdırılıb.