Keçid linkləri

2024, 29 Mart, Cümə, Bakı vaxtı 10:12

Dünya gücləri Tehranı nüvə sazişinə sadiq qalmağa çağırırlar


İran xarici işlər nazirinin müavini Abbas Araqchi (sağda) və Avropa İttifaqı Xarici İşlər İdarəsinin baş katibi Helga Schmit
İran xarici işlər nazirinin müavini Abbas Araqchi (sağda) və Avropa İttifaqı Xarici İşlər İdarəsinin baş katibi Helga Schmit

Dünya gücləri Vyanada keçirilən iclasda İranı nüvə sazişinin şərtlərinə əməl etməkdə davam etməyə çağırıblar.

Britaniya, Almaniya, Çin, Rusiya və Fransa səfirləri və İran nümayəndələrinin iştirakilə müzakirə iyunun 28-də keçirilib.

ABŞ İranla 2015-ci il nüvə sazişindən çıxdıqdan sonra Vaşinqton Tehran üzərinə sanksiyalarını bərpa edib və yeni sanksiyalar qoyub.

Sanksiyalardan məqsəd İranın əsas xarici valyuta mənbəyi olan neft ixracatını “sıfra” endirməkdir.

Vaşinqton bildirir ki, bu sanksiyalar İrana 50 milyard dollar itki verəcək və Avropa müttəfiqləri Tehranla ABŞ arasında seçim etməlidirlər.

Hazırda İranın neft ixracatı gündə cəmi 500 min barrelə enib.

İran nümayəndəsi deyib ki, Vyana danışıqlarında tərəqqi olub, lakin bu, Tehranın nüvə fəaliyyətini bərpa etmək qərarını dəyişməsi üçün kafi deyildir.

İran xarici işlər nazirinin müavini Abbas Araqchi müxbirlərə deyib ki, İran böyük bir ehtimalla 2015-ci il sazişinin qoyduğu 300 kilogram zənginləşdirilmiş uran limitini aşmalı olacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG