Azadlıq Radiosunun özbək xidmətinin yaydığı videoda vergi xidməti rəisinin öz işçisini döyməsi əks olunub.
Daha dəqiqi söhbət Cizak rayonunun dövlət vergi müfəttişliyinin rəisi Abbasxan Vaqqasov və baş müfəttiş Olim Zakirovdan gedir.
İnsident müfəttişliyin müşahidə kamerasına düşüb.
Videonu Azadlıq Radiosunun özbək xidmətinə Telegram vasitəsilə "müfəttişliyin adının açıqlanmasını istəməyən əməkdaşı göndərib"
İnsidentin ötən ilin noyabrında baş verdiyi deyilir.
Məlumata görə müfəttişliyin 32 yaşlı rəisi Abbasxan Vaqqasov işə içkili vəziyyətdə gəlib 34 yaşlı baş müfəttiş Olim Zakirova iki təpik, bir yumruq vurub. Sonra isə onu paltarından dartaraq başqa otağa aparıb.
Müfəttişliyin bir neçə əməkdaşı bu hadisənin şahidi olub.
Məlumata görə, rəisi qəzəbləndirən baş müfəttişin vergi planını doldura bilməməsi olub.
Buna da bax: Prezident məmurları işdən qovmaqla hədələdi
