2022-ci ilin martında Rusiya qüvvələri Ukraynanın Buça şəhərini ələ keçirəndə Yablunska küçəsində üç gün ərzində onlarla dinc sakin öldürülüb. Rusiya hakimiyyəti sonradan iddia etdi ki, qırğın görüntüləri quramadır. Amma hadisə şahidlərinin danışdıqlarından görünən odur ki, sakinlərin çoxu yalnız atışma qurbanı olmayıb, onları bilərəkdən hədəfə alıblar. AzadlıqRadiosunun Ukrayna xidməti müşahidə kameraları, dron görüntüləri, hərbi bilgilər əsasında araşdırma aparıb, Yablunska küçəsində ən qanlı günlərin tam mənzərəsini ortaya qoyub. Qanlı qırğın üçün məsuliyyət daşıyan bəzi zabitlərin kimliyini də müəyyənləşdirmək mümkün olub.