Keçid linkləri

2024, 19 Mart, çərşənbə axşamı, Bakı vaxtı 08:13

Ukrayna əhalisinin 23 faiz azaldığı deyilir


Ukrayna-Rusiya sərhədində
Ukrayna-Rusiya sərhədində

Əhalinin “elektron siyahıya alınmasının” nəticələrinə görə Ukraynanın əhalisi 2001-ci ildən bəri 25 faiz azalıb.

Bunun əsas səbəbinin miqrasiya, ölümlərin doğumlardan çox olması, haberə Rusiya tərəfindən ilhaq edilmiş Krımda və rusiyayönlü separatçıların nəzarətində olan ərazilərdə əhali sayınn müəyyənləşdirilməsinin qeyri-mümkünlüyü olduğu deyilir.

Ukraynanın dövlət naziri Dmytro Dubilet yanvarın 23-də deyib ki, hazırda Ukraynada 37.3 milyon əhali yaşayır.

Dubilet deyib ki, əhalinin elektron sayılmasında mobil telefon əməliyyatçılarının, sosioloqların, pensiya fondunun rəqəmləri əsas götürülüb.

Bütün hallarda yeni rəqəmlər dekabrın 1-nə olan məlumata görə Ukrayna əhalisinin 2001-ci ildən bəri azı 23 faiz azaldığını göstərir.

1991-ci ildə Ukrayna SSRİ-dən müstəqilliyini elan edərkən onun əhalisinin rəsmi sayı 52 milyon nəfərə yaxın idi.

Dublet deyib ki, son onillik ərzində 3.8 milyon ukraynalı öz vətənini “bir daha geri qayıtmamaq” niyyəti ilə tərk edib.

Ukraynada 2017-ci ilin məlumatına görə hər 1000 nəfərə 9.4 doğum, 14.5 ölüm qeydə alınıb.

Dünya Bankının məlumatına görə hazırda Ukraynada 20 milyon qadın və 17 milyon kişi var.

Əhalinin 20 milyon nəfəri 25-64 yaşları arasında olmaqla işə yararlı təbəqədir.

Rusiya Krımı 2014-cü ildə ilhaq etməzdən əvvəl yarımadada 2 milyon nəfər yaşayırdı.

Hazırda separatçı münaqişənin davam etdiyi Luhansk və Donetsk vilayətlərinin ümümi əhalisi 6 milyon nəfər idi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG