Keçid linkləri

Təcili xəbərlər
2019, 12 Dekabr, Cümə axşamı, Bakı vaxtı 15:03

Türkmənistan polisinə arıqlamaq üçün bir ay vaxt verilib


Türkmənistanda polis, arxiv foto

Türkmənistan daxili işlər nazirliyinin əməkdaşları hazırda attestasiyadan keçirlər. Qarşıya qoyulan tələblərdən biri əməkdaşların çəkisinin azaldılması ilə bağlıdır.

Verilən məlumata görə, hüquq mühafizə əməkdaşlarından tələb olunan odur ki, çəkiləri 100 kiloqramı keçməsin.

AzadlıqRadiosunun əməkdaşları ilə danışan polis əməkdaşlarının sözlərinə görə, tələblər sərt şəkildə irəli sürülüb. Xüsusilə, Daxili İşlər Nazirliyinin hazırkı rəhbərinin "yağlı polisləri sevmədiyini" izah edərək polisə çəkini tənzimləmək üçün bir ay vaxt verilib.

"Şifahi sərəncama uyğun olaraq, bütün polis bölmələrinin işçilərinə xəbərdarlıq edilib ki, dekabrın 25-dək arıqlaya bilməyən hər kəs, rütbəsinə baxmayaraq işdən azad olunması ilə bağlı ərizə yazmağa məcbur ediləcək".

Türkmənistanın Marı şəhərindən gələn xəbərlərdə hazırda yerli polislərin arıqlamaq tələbləri ilə fiziki təlimlərə başladıqları bildirilir.

"Hər gün Marıdakı Aşqabad küçəsindəki stadionda arıqlamaq tələbi ilə polislərin qaçdığını görmək olar. Bundan başqa polislər futbol və "İlham" sarayındakı idman zalında voleybol oynayırlar" deyə AzadlıqRadiosunun müxbirləri bildirirlər.

Şərhlər

Günün bütün mövzuları

XS
SM
MD
LG