Yanvarın 11-də Türkiyə parlamentində dava düşüb.
İnsident konstitusiya dəyişiklikləri ilə bağlı qanun layihəsinin müzakirəsi zamanı baş verib.
Reutersin məlumatına görə, müxalifətdə olan "Cümhuriyyət Xalq Partiyası"nın deputatı Fatma Kaplan səsvermə prosesini mobil telefonla çəkərkən, hakim "Ədalət və İnkişaf partiyası"nın deputatları buna imkan verməyiblər və bu vaxt kürsüyə axışan deputatlar arasında əlbəyaxa dava düşüb.
Ortalıq sakitləşdikdən sonra maddə qəbul olunub. "Cümhuriyyət Xalq Partiyası" ndan olan deputatlar səsvermədə iştirak etməyiblər.
Qeyd edək ki, yeni düzəlişlərdə ölkənin parlament sistemindən prezident idarəçiliyinə keçməsi nəzərdə tutulur.
Bu, indiki prezident Racep Tayyip Erdoganın daha 2 müddətə prezident seçilməsinə imkan yaradır.
Müxalifətçilər Erdogan və onun partiyasını hakimiyyəti bir əldə cəmləşdirməyə cəhddə günahlandırırlar.