Türkiyənin maliyyə nazirliyi “Moody's” agentliyinin ölkənin kredit reytinqini aşağı salmasını pisləyib.
Bu barədə Türkiyə mətbuatı və Financial Times məlıumat verir.
Nazirliyin iyunun 15-də yaydığı bəyanatda deyilir ki, belə bir qərar agentliyin “obyektivlik və neytrallığını” sual altında qoyur.
“Moody's” un iyunun 14-də açıqladığı reytinq cədvəlində Türkiyəni bir pillə aşağı salıb, ödəmə və defolt riskinə əsaslanaraq bu ölkə barədə neqativ proqnozu saxlayıb.
Bundan əvvəlki Ba3 reytinqində investorlar üçün kredit riskinin əhəmiyyətli dərəcədə, indiki B1 reytinqində isə yüksək olduğu göstərilir.
Qeyd edək ki, bu məlumat, iyunun 23-də Türkiyənin ən böyük şəhəri olan İstanbulda keçiriləcək mer seçkiləri ərəfəsinə təsadüf edir.
Agentlik qeyd edir ki, prezident Racep Tayyip Erdoganın hakim partiyasının uduzduğu ilk seçkidən sonra təkrar səsvermə keçirilməsi, ölkədə siyasi gərginlik üçün potensial yaradır, hansı ki, bu milli valyuta lirənin daha da ucuzlaşması və valyuta ehtiyatlarının tükənmısi ilə nəticələnə bilər.
Qeyd edək ki, 2018-ci ilin sonlarından Türkiyədə iqtisadi tənəzzül daha da dərinləşib.