Keçid linkləri

Təcili xəbərlər
2018, 20 Oktyabr, şənbə, Bakı vaxtı 18:29

Türkiyə hökuməti Almaniyaya etiraz bildirib


Türkiyə ədliyyə naziri Bekir Bozdağın Almaniyaa çıxış etməsinə imkan verilməyib

Türkiyə hökuməti Almaniyanın Ankaradakı səfirinə rəsmi etiraz bildirib.

Buna səbəb Türkiyə ədliyyə naziri Bekir Bozdağın Almaniyanın Qaggenau şəhərində türk icması qarşısında edəcəyi çıxışın ləğv edilməsi olub.

Bekir Bozdağ bu çıxışında Almaniya türklərini Türkiyədə aprel ayında keçiriləcək referendumda prezident Erdoğanın partiyasını dəstəkləməyə çağıracaqdı.

Referendumda hökumətin istədiyi nəticə alınarsa, Recep Tayyip Erdoğana bir prezident kimi hüdudsuz səlahiyyətlər veriləcək.

Lakin Reuters agentlyinin məlumatına görə Qaggenaunun yerli bələdiyyəsi bu mitinq üçün verilmiş icazəni geri götürüb.

Bələdiyyədən verilən məlumatda bu məkanın kifayət qədər böyük olmaması əsas gətirilib.

Bundan əvvəl Türkiyədə almaniyalı jurnalist həbs edilib. Bu həbslə əlaqədar Almaniyanın bir çox siyasətçiləri Merkel hökumətini Türkiyə üzərinə təzyiqləri artırmağa çağırıblar.

Die Welt qəzetinin müxbiri Deniz Yücel “terrorçu təbliğatda və Türkiyə hölkumətini gözdən salmaqda” ittiham edilərək həbs olunub.

Ümumiyyətlə Türkiyədə ötən ilin iyulundan bəri yüzlərlə jurnalist və onlarca media qurumu prezident Erdoğanın repressiyalarlına məruz qalıb.

Reuters agentliyinin verdiyi xəbərə görə Almaniyanın Ankaradakı səfiri Türkiyənin Xarici İşlər Nazirliyinə dəvət edilib.

Agentlik xəbər verir ki, cənab Bozdağ Almaniyaya səfərini ləğv edib. O bu ölkədə həm də Almaniyanın ədliyyə naziri ilə görüşməli idi.

Cənab Bozdağ deyib ki, “Türkiyəyə daim demokratiyadan, qanunun aliliyi və söz azdlığından mühazirə oxuyan bir ölkə türk icmasının tədbirinə icazə verməyib”.

Almaniyada yaşayan 3 milyon türkdən 1, 4 milyonunun Türkiyə səsvermələrində iştirak etmək səlahiyyəti var.

Günün bütün mövzuları

XS
SM
MD
LG