Keçid linkləri

2017, 18 Dekabr, Bazar ertəsi, Bakı vaxtı 01:41

'Turan'la 'vergilər'in məhkəmə çəkişməsi davam edir


Mehman Əliyev

Noyabrın 27-də 1 saylı Bakı İnzibati-İqtisadi Məhkəməsində “Turan” agentliyinin vergilər nazirliyindən şikayətinə baxış davam edib. Vergilər nazirliyinin nümayəndəsindən bu il avqustun 7-də “Turan” agentliyinə irəli sürülən iri məbləğli vergi borcunun və cərimənin ləğv edilməsinin səbəbi soruşulub.

Agentliyin direktoru Mehman Əliyev borcun silinməsini təqdir edərək vergilər nazirliyinin bununla bağlı rəsmi qərarını məhkəməyə təqdim etməsini istəyib.

“Turan” agentliyinin xəbərinə görə, nazirliyin nümayəndəsi ləğv olunmanı borcun "tədricən" azalması ilə izah edib.

Hakim Şərafət Məmmədovanın "əgər ləğvetmə baş veribsə, qərarın olması nə dərəcədə vacibdir?" sualının cavabında M.Əliyev deyib ki, vergilər nazirliyinin hərəkəti inam doğurmur.

Buna da bax: 'Turan' agentliyinin cinayət işi dayandırılıb

“Mayda bizə qarşı 2016-cı ilə görə 3 min manat vergidən yayınma barədə ittiham irəli sürdülər. Ancaq araşdırma olmadan 2 min manat cərimə etdilər və agentliyin bank hesabından 5 min manat götürdülər. Biz vergilər nazirinə müraciət etdik və o da cavab olaraq yoxlama təyin etdi. Yoxlama zamanı əvvəlki qərar yeni qərarla ləğv edildi və yeni qərarla hər hansı borcun olmadığı müəyyən edildi. Bir ay sonra 2016-cı ilə görə 9 min manat, 2014-2017-ci illər üçün 27 min manat və 10 min manat da cərimə müəyyən etdilər. Sentyabrın 11-də borc və cərimənin olması barədə qərarı ləğv etdilər. Sentyabrın 15-də borc və cəriməni bərpa etdilər. Sonra bəyan etdilər ki, ləğv olunub”, – M.Əliyev bildirib.

O əlavə edib ki, oktyabrın 2-də bank hesablarını blok ediblər.

Buna da bax:​ Vəkil: ''Turan'ın işini oyun-oyuncağa döndəriblər'

“Oktyabrın 5-də bu barədə bəyanatımızdan sonra Vergilər Nazirliyi baş verənləri texniki səbəblə izah etdi. Hesab açıldı. Belə olan halda, kim zəmanət verə bilər ki, sabah vergilər nazirliyi borcu və cəriməni bərpa etməyəcək və "ləğvetmə"ni sistemin səhvi ilə izah etməyəcək?", - M.Əliyev hakimə sual edib.

Hakim Vergilər Nazirliyinin nümayəndəsindən xahiş edib ki, agentliyin borcunun "ləğv edilməsi" barədə açıqlamanı təqdim etsin. O, növbəti iclası noyabrın 30-na təyin edib.

Buna da bax:​ Mehman Əliyev: 'Demirəm ki, səhvim olmayıb'

Məhkəmənin gedişi və “Turan” agentliyinin vergilər nazirliyinə yönəlik açıqlamalarına, hələlik, bu nazirlikdən münasibət almaq mümkün olmayıb.

Xatırlatma

Noyabrın 8-də Vergilər Nazirliyi sistemində agentliyin poçt qutusuna vergidən yayınma və cəriməyə dair iddianın tam ləğv edilməsi barədə bildiriş gəlib. Həmçinin Vergi Cinayətlərinin İbtidai Araşdırılması Departamentinin 2010-2017-ci illər üzrə səyyar vergi yoxlaması ilə bağlı 16 avqust tarixli qərarının ləğvi haqda nazir müavini İlkin Vəliyevin məktubu daxil olub.

Yoxlamanın ləğvi barədə 6 noyabr tarixli rəsmi qərar agentliyə noyabrın 13-də çatıb.

Ancaq agentlik vergidən yayınma və cərimə barədə Lokal Vergilər Departamentinin qərarının ləğvi haqda rəsmi təsdiq məktubunu, hələlik, almayıb.

Lokal Gəlirlər Departamenti avqustun 7-də “Turan” Agentliyini 2014-2016-cı illər üzrə 27 min manat vergidən yayınmada ittiham edib. Üstəlik, buna cərimə də əlavə edilib. Agentliyə qarşı cinayət işi açılıb.

Avqustun 24-də agentliyin direktoru Mehman Əliyev həbs edilib. Sentyabrın 11-də Bakı şəhərindən çıxmamaq haqqında iltizam alınaraq o azad edilib.

Oktyabrın 30-da Vergilər Nazirliyi cinayət işinə xitam verib, noyabrın 2-də isə Baş Prokurorluq da bunu təsdiqləyib.

Buna da bax:

Günün bütün mövzuları

XS
SM
MD
LG