Keçid linkləri

2024, 19 Mart, çərşənbə axşamı, Bakı vaxtı 06:42

Putin Trump-la görüşdə ABŞ seçkisinə müdaxilə etmədiyini deyəcək


Putin və Trump 2017-ci ilin iyulunda G-20 sammiti zamanı görüşmüşdülər
Putin və Trump 2017-ci ilin iyulunda G-20 sammiti zamanı görüşmüşdülər

Kreml bəyan edib ki, Donald Trump qarşıdan gələn görüş zamanı Moskvanın 2016-cı il ABŞ seçkisinə müdaxiləsi məsələsini qaldırarsa, Rusiya prezidenti Vladimir Putin bir daha təkzib bəyanatı verməyə hazırdır.

İyunun 28-də Ağ Ev və Kreml eyni vaxtda Putin-Trump görüşünün iyulun 16-da Helsinkidə olacağını elan ediblər.

Bu da bəyan edilib ki, onlar qarşılıqlı münasibətlərə aid məsələlərin geniş müzakirəsini aparacaqlar.

Bu arada Kremlin sözçüsü Dmitry Peskov deyib ki, əgər ABŞ prezidenti Rusiyanın ABŞ seçkisinə iddia edilən müdaxiləsi məsələsini qaldırsa, onda Putin də bunu inkar edən bəyanatını bir daha səsləndirəcək.

ABŞ-ın kəşfiyyat orqanları bu qənaətdədirlər ki, Moskva 2016-cı ilin seçkisinə müdaxilə edib və bu müdaxilənin komandası birbaşa Putindən gəlib.

Trump öz seçki kampaniyasının Rusiya ilə sövdələşməyə girdiyinə dair iddiaları israrla rədd edir.

İyunun 28-də ABŞ dövlət katibi Mike Pompeo deyib ki, o Trump-ın Helsinki görüşü zamanı Rusiyanın seçkiyə müdaxiləsi məsələsini qaldıracağından əmindir.

Buna baxmayaraq elə həmin gün Trump Rusiyaya qarşı ritorikanı yumşaldıb və xatırladıb ki, Moskva ABŞ seçkisinə müdaxilə etmədiyini təkrar-təkrar bəyan edir.

Peskov deyib ki, Helsinki sammiti zamanı Surriya məsələsi müzakirə olunacaq.

Bu müharibədə Rusiya prezident Assad-ın hökumətini, ABŞ isə antihökumət qüvvələrini dəstəkləyir.

Rusiya Xarici İşlər Nazirliyinin sözçüsü Maria Zakharova RIA Novosti agentliyinə deyib ki, bu görüş barədə danışarkən “böyük irəliləyiş” kimi ifadələri ehtiyatla işlətmək lazımdır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG