Rusiya prezidenti Vladimir Putin deyir ki, Ukrayna dənizçilərinin taleyi, ABŞ prezidenti Donald Trumpla görüşün əsas müzakirə mövzusu olub.
Onun sözlərinə görə, Trump Yaponiya görüşündə əsas foksu dənizçilərə yönəldib.
Qeyd edək ki, Donald Trumpl-la Vladimir Putin Böyük 20-lər ölkələrinin Yaponiya sammiti çərçivəsində görüşüblər.
RİA Novvostinin iyunun 29-da verdiyi məlumata görə, Putin deyib ki, bu məsələ “işçi qaydada” həll olunacaq.
“Onlar( dənizçilər) əmri yerinə yetirirlər, biz bunun fərqindəyik, amma Rusiya qanununu pozublar", Putin deyib.
Qeyd edək ki, Rusiya sərhədçiləri ötən ilin payızında Ukraynanın 3 gəmisini Kerç hövzəsində zəbt ediblər.Gəmilərdə ümumilikdə 24 nəfərlik heyət üzvü var. Onlar hazırda Rusiyada həbsdədirlər.
BMT-nin dəniz hüquqları üzrə beynəlxalq trubunalının qərarına əsasən Rusiya iyunun 25-dək dənizçiləri azad etməli idi. Amma Moskva bunu yerinə yetirməkdən imtina elədi.
Ukrayna prezidenti Vladimir Zelenski də iyunun 27-də Vladimir Putindən dənizçilərin azad edilməsini istəyib.
“Hamımızın övladı var, uşaqları valideyinlərinə qaytarın”, Zelenski Kiyevdə keçirdiyi brifinqdə dedi.
